بلعما نيوز - وصل موقعنا هذه الرسالة من أحد نشامى بني حسن في الأمن العام وطلب نشهرها بدون ذكر اسمه وبنفس لهجته العامية بدون أي تعديل ، فما كان منا إلا أن نلبي طلبه ، وهذا نص الرسالة :
بسم الله الرحمن الرحيم " رسالة من عسكري مكتوبه باللغة العاميه الي هو تربى عليها وتعود انه يعبر عن مشاعره وكل اشي بداخله بابسط اللغات وما رضي ع حاله يلبس ثوب التصنع رساله لكل شريف وشريفه لكل غيور وغيوره على تراب الاردن الغالي ........ احنا الان بنمر بظروف عصيبه وبلدنا بتتآمر عليه اكثر من ايد بحسدونا على نعمة الامن والامان بالبلد الي هي مصدرها مش بس العسكري الي على الحدود او دورية الشرطه بالشارع بس بالعكس بشاركنا بهاذ الجهد الي بوفرلنا هاي النعمه القياده الحكيمه والشعب الواعي الي بخاف على بلده ومثل ما بقول المثل ايد لحالها ما بتزقف الشعب والاجهزه الامنيه مكملين لبعض واحنا بنستمد معنوياتنا من القياده الهاشميه بالدرجه الاولى ومن الشعب انا عسكري وبفتخر اني عسكري وبحمي بلدي وبنفس الوقت بنبسط ودمعتي بتنزل لما اشوف بنت الكرك بتدعي لابن اربد وبنت جرش بتدعي لابن المفرق وابن عجلون بدعي لابن الزرقاء بالتوفيق بنبسط لما اشوف الكل يدعيلنا بهاي الايام الفضيله انه الله يحمينا بهاذ الوقت بعرف انه قديش لازم ندافع عن هالبلد لانه شعبها طيب صحن زيت بجمعنا مصاب جلل بجمعنا شعب ما بفرقنا عن بعض غير الموت انا عسكري قاعد بغيب عن امي ايام ويمكن بالشهر ما بشوفها مرتين بطلع من بيتي وكل ثقه انه لو لاسمح الله صارلها اشي بعرف انه جاري رايح يفزعلها فزعة الشريف بغيب وكلي ثقه انه في ناس بتدعيلنا بكل وقت مشان هيك يا اخوان سايق عليكو الله ندير بالنا على بلدنا والله الي ما تغرب ما بعرف شو يعني تراب الوطن غالي خلي قلوبنا على بعض خلي ابن الشمال فزعه لابن الجنوب وابن الوسط فزعه لابن الشرق وحدودنا بعون الله محميه بس خلينا نحمي بلدنا من الداخل رسالتي طويله وبتمنى انه كل واحد يقرأها يفهم مضمونها......" المرسل: نشمي من نشامى بني حسن مرتبات الأمن العام الاردنيه
(بدون اسم)
شاهد المزيد
